قال تعالى: ﴿ وَلا تَكُونُوا كَالَّتِي نَقَضَتْ غَزْلَهَا مِنْ بَعْدِ قُوَّةٍ أَنْكَاثاً .. ﴾ ..النحل:92
30 يوم !!!!!!!
من العباده...صلاه وصيام وصدقه وفعل خير وقله نوم وقله اكله وتعب واجهاد ودعاء
ببساطه شديده حرام نضيع كله ده
بجد حرام نضيع كله ده
رمضان خلص والعيد داخل وفى تقريبا اسبوع اجازه
بلاش نضيع نفسنا فى الاسبوع ده
عارفين ايه اكبر علامات قبول رمضان؟؟؟
الثبات على الطاعه
اكيد الثبات على الطاعه مش هيكون زى رمضان
بس فى اساسيات
مينفعش نتازل عنها عشان نكون فعلا ممكن ثبتوا على الطاعه بعد رمضان
وهنتفق على القاعده الاساسيه بتاعتنا
احب الاعمال الى الله ادومها وان قل
القاعده الثانيه هى ادراك حب الله
ازاى؟؟؟
يقول الله تعالى فى الحديث القدسى
وما تقرب إلي عبدي بشيء أحب إلي مما افترضت عليه ، و لا يزال عبدي يتقرب إلي بالنوافل حتى أحبه ، فإذا أحببته كنت سمعه الذي سمع به و بصره الذي يبصر به ، و يده التي يبطش بها ورجله التي يمشي بها و لئن سألني لأعطينه ، و لئن استعاذني لأعيذنه
شوف هتنال ايه؟؟
حب ربنا ...وان تكون فى ذمه ربنا وهو اللى يتولى امرك؟؟
يعنى ان شاء الله هتعرف تغض بصرك
مش هتسمع حرام
هتبر والديك
هتحافظ على الصلاه
يبقى المعادله بسيطه جدااا
-1-
الفروض...الصلاه..الزكاة(زكاة الفطر او المال ).. الحجاب
-2-
النوافل
نحافظ على الاقل على سنه الفجر لان النبى صلى الله عليه وسلم كان حريص عليها ونحافظ على سنه العشاء وركعه الوتر
وصفحه او صفحتين من القرآن كل يوم
-3-النوافل
الصيام
هل اعتقنا؟؟
الله اعلم ولكن نحس الظن بالله بس برده نعمل اللى علينا زياده شويه
يقول النبى صلى الله عليه وسلم ومن صام شهر رمضان وابتعه بست من شوال فكأنما صام الدهر
لسه بس ثواتى؟؟
احنا قلنا عايزن العتق من النار
يقول النبى صلى الله عليه وسلم
قال رسول الله صلى الله عليه وسلم..من صام يوم فى سيبل الله باعد الله بينه وبين النار سبعين خريفاً اى:: سبعين سنه وقال صلى الله عليه وسلم..من صام يوم فى سيبل الله جعل الله بينه وبين النار خندقاً كما بين السماء والارض
نكمل بقى العتق من النار بالصيام
وتقبل الله منا ومنكم
وربنا يرزقنا الفردوس الاعلى من الجنه
لا تنسونا من صالح دعائكم
وجزاكم الله خيرا
Happy 3eeeeeeeeeeeeeed :-)
الثلاثاء سبتمبر 30, 2008 7:06 pm