ازاي تبقي زي القمر بشويه حاجات مالمطبخ

ازاي تبقي زي القمر بشويه حاجات من المطبخ

شويه حاجات ف المطبخ بتهيقلقك ان ملهاش لزمه ممكن تخليكي زي القمر حاجات رخيصه وبسيطه بس فوايدها كتيييييييييييييره
الملح:
ابسط وارخص حاجه وتقدر تعملي به شامبو للشعر الجاف ومتجرب الطريقه :معلقه كبيره ملح وحطيها ف ورق الومنوم وحطيها في الفرن 10 دقايق ودلكي بها شعرك وبعد كده سرحيه كذا مره لغايه مالملح يطلع ومعاه الاتربه والدهون الزياده وهتنشط فروة الرأس
الشاي:
فيه ماده اسمها التانين ليها فوايد جماليه بتفتح لون الجلد وبتحميه من الاشعه الضاره وكمان الشعر لو شعرك لونه باهت ومش بيلمع استخدميه في شطف الشعر هحسن لونه ويلمعه لا وكمان لو منمتيش كويس وعنيكي مجهده وتحتها هالات اعمله كمادات هيزيل الهالات السودا وهيلطف العين
خميره البيره :
لو اظافرك ضعيفه ومشققه او لونها متغير وسهله الكسر يبقي علي طول انيميا وعلطول اكل الخميره هيفيدك وجرب ومش كده وبس لا هتد لوشك وجلدك نضاره وحييويه وكمان تقدر تستعملها كغسول دوبيها في شويه ميه صغيره وبتمتاز بقدره عل التنظيف العميق وخصوصا للبشره الدهنيه وهتزيل الاتربه والقازورات والدهون الزياده من الجلد وسواء غسول او ماسك او اكلها هتخفي الحبوب
اللبن:
شويه وصفات لللبن بس تحفه
لبن بالليمون...لعلاج الحبوب ولنضاره الوش:
1- لمونه معصوره 2-قشر برتقال او لمون مبشور 3- لبن
هنخلط كله عل بعضه وهنصفيه ونحطه ف التلاجه 24 ساعه قبل الاستعمال وقبل النوم افرد طبقه عل وشك بصوره منتظمه جربيه وتحسي الفرق
وصفه غريبه بس تحفه
1- 4 معالق بطاطس 2- لبن
اغلي البطاطس في ميه وبعد ماتبرد اهرسيها وضيفي لبن لغايه متكون عجينه ود مفيده للمنطقه ال حوالن العين ال بصعب تنضيفها وتغذتها بالكريمات لانها رققه وشديده الحساسيه
لبن بالخس والنعناع والخيار .......للبشره الحساسه
ينعش ويغذي وينضف
1-شرايح خيار 2- لبن 3-3معالق خس مخرطه 4-3معاق جزر مبشور
5-3 معالق نعناع مخرط
الطريقه اولا نعصر الخيار مع النعناع في الخلاط ويصفي
نصب 7 معالق ميه مغليه علي الخس والجزر ونسيبه 9 ساعات للحصول علي منقوع مركز ثانيا هنضيفه لللبن والخيار والنعناع وهيحفظ في التلاجه وستعمل كماسك
قناع الشباب الدائم.....اللبن بالعسل لشباب الوجه ونضارته
1-لبن 2-معقله عسل نحل 3-صفار بيض 4-3معالق ميه
الطريقه هنصب الميه علي العسل وهنسخنها علي نار هاديه لغايه ميدوب في الميه مع التقليب المستمر وهيرفع من علي النا وهنضيف اللبن وصفار البض ونهنقلبه وابقي قابلييني لو ظهرت تجاعيد
البيض:
يستخدم ققناع لاصحاب البشره الدهنيه بينضف المسام وبيقفلها لانه له تأثير قابض للمسام فبيستعمل مره في الاسبوع
وبيقوي بصيلات الشعر لاحتوائه علي نسبه عاليه من البروتين
وصفه من البيض لتقويه الاظافر ومنع تشققها
1-صفار بيضه 2-معلقه زيت عباد الشمس
هيخلطوا ببعض ويتحفظوا في التلاجه وهتدهن بهم الاظافر كل يوم وتترك علهم ساعتين
بكده ابقي خلصت اي خدمه يا بنات وبليز ال يجرب مينساش

ميرسى خالص ليكى ياالحب المستحيل
انا هبتدى اطبق الوصفات لانها عجبتنى وهى طبيعيه 100%
تقبلى مروى